- Autokontsumoaren onurak Nafarroako Mendialdean abian jarri diren kasu praktikoen bidez azalduko dira.
- Saioa Esteribarko Udalarekin lankidetzan antolatu da.
Cederna Garalur Elkarteak, Esteribarko Udalarekin batera, energia-autokontsumoari eta horren onurei buruzko hitzaldia antolatu du. Hitzaldia abenduaren 16an izanen da, 19:30ean, Ollokiko (Esteribar) zuzkidura-eraikinean. Doakoa izanen da eta toki-erakundeei, enpresei eta partikularrei zuzenduta dago.
Saioan, energia-autokontsumoa zer den eta tokiko erakundeentzat, partikularrentzat eta enpresentzat dituen onurak azalduko dira, eta Nafarroako Mendialdean azken hilabeteetan inplementatutako kasu praktikoak azalduko dira.
Hitzaldia energia-gaietan aditua den eta Cederna Garalur Elkartearen aholkularitza-zerbitzuaren arduradun David Gordejuelak emanen du.
Pasa den apirilean onartutako 15/2018 EDk autokontsumo kolektiboa sustatzeko berrikuntza garrantzitsuak jasotzen ditu, bai etxebizitzetarako, bai industrialdeetarako: etxebizitzen artean energia-soberakina partekatzea, autokontsumo berriztagarria, izapideak erraztea, edo zergak kentzea.
Saio hau Cederna Garalur Elkarteak 2019an garatu duen informazio-programaren barnean txertatzen da, energia-autokontsumoaren kontzeptua, aurrezpen ekonomiko eta energetikoari dagokionez dituen onurak eta tokiko energia-iturri berriztagarriak aprobetxatzeko sortzen diren aukerak azaltzeko.
Argibide gehiagorako:
- David Gordejuela. Cederna Garalur Elkartearen energia-zerbitzua. : 669260678. Posta elektronikoa: energia@cederna.es
- Edurne de Miguel. Cederna Garalur Elkartearen garapen-eragilea Erroibar-Aezkoa-Esteribar eskualdean. : 639905357. Posta elektronikoa: erro-aezkoa@cederna.es