2023-2027 Nafarroako Mendialdeko Tokiko Garapen Parte-Hartzailerako Estrategia 2022-09-23T10:41:57+00:00

Nafarroako Mendialdeko Tokiko Ekintza Taldea den aldetik, Cederna Garalur Elkartea Nafarroako Mendialdeko ‘2023-2027 aldirako Tokiko Garapen Parte-hartzailerako Estrategia’ prestatzen ari da. Garai berri horrek gure landa-lurraldeetan eragin nabarmena duten erronkei erantzun beharko die. Erronka horien artean ditugu, besteak beste, energia-subiranotasuna, klima-aldaketa, gazteek etxebizitza eskuratzeko aukera, gure herrietako eta negozioetako belaunaldi-erreleboa eta gure baliabideak ustiatzeko eredu jasangarriak finkatzea.

Prozesu horretan guztian ezinbestekoa da Mendialdean bizi eta lan egiten dutenen parte-hartzea; izan ere, haien esku dago beren bizi-kalitatea hobetzeko, enpresa-sarea indartzeko eta gure eskualdeetako zerbitzu publikoak finkatzeko proiektuak eta jarduera-ildoak planifikatzea.

Lehenik eta behin, Nafarroako Mendialdeko gizarteari eta ekonomiari buruzko diagnostikoa egin dugu, sei AMIA analisitan laburbildua: Nekazaritzako elikagaien sektorea | turismoa, merkataritza eta zerbitzuak | natura-ondarea eta naturaguneen kudeaketa, basogintza eta energia | enplegua, ekintzailetza, enpresak sendotzea, eskulangintza eta industria | ondarea, kultura eta euskara | bizi-kalitatea (azpiegiturak, berdintasuna, oinarrizko zerbitzuak).

Bigarrenik, gure ondorioak eragile nagusiekin kontrastatuko ditugu, Lurralde Mahaien eta Mahai Sektorialen bidez; horietan, adituak diren eta Nafarroako Mendialde osoko gaiei buruzko berariazko ezagutza duten pertsonek parte hartuko dute. Horrek datozen urteetarako gure Lurralde Estrategiaren ardatz estrategikoak eta jarduera-ildoak identifikatzen lagunduko digu.

 Aldi berean, gonbidatu nahi zaitugu, Mendialdean bizi eta lan egiten duzun horri, zure proposamenak guri helarazteko gure parte-hartze postontziaren bidez.

Parte hartzeko postontzia

Dokumentazio

AMIA

Diagnostiko

Bileren egutegia

Inscripciones: info@cederna.es ;Teléfono, whatsapp: 606408614

Lurralde Mahaiak

Nafarroako Mendialdeko erakundeei bideratuta

  • Baztan-Bidasoa: Doneztebe (irailak 20, 17:00etan), Malerrekako Mankomunitateko bilera-gelan.
  • Zangozerria-Pirinioaurreko Arroak: Irunberri (irailak 21, 12:00etan), Beneditarren eraikinean.
  • Pirinioak: Aribe (irailak 21, 17:00etan), Aezkoa Ibarreko Batzar Nagusian.
  • Mendialdea-Sakana: Irurtzun (irailak 22, 17:00etan), Irurtzungo Kultura Etxean.

Mahai sektorialak

Sektore bakoitzeko adituei eta erakunde esanguratsuei bideratuta

  • Ondarea, kultura eta euskara: Irunberri (urriak 4, 11:00etan)
  • Lehen sektorea, elikadura-eta energia-subiranotasuna: Irurtzun (urriak 5, 9:30ean)
  • Natura-ondarea eta naturaguneen kudeaketa: Irurtzun (urriak 5, 12:00etan)
  • Turismoa, merkataritza eta zerbitzuak: Antsoain (urriak 6, 12:00etan)
  • Enplegua, ekintzailetza, enpresak sendotzea, eskulangintza eta industria: Antsoain (urriak 6, 9:30ean)
  • Bizi-kalitatea: Larraintzar (urriak 7, 11:00etan)