Nafarroako Mendialdeko Tokiko Ekintza Taldea den aldetik, Cederna Garalur Elkartea Nafarroako Mendialdeko ‘2023-2027 aldirako Tokiko Garapen Parte-hartzailerako Estrategia’ prestatzen ari da. Garai berri horrek gure landa-lurraldeetan eragin nabarmena duten erronkei erantzun beharko die. Erronka horien artean ditugu, besteak beste, energia-subiranotasuna, klima-aldaketa, gazteek etxebizitza eskuratzeko aukera, gure herrietako eta negozioetako belaunaldi-erreleboa eta gure baliabideak ustiatzeko eredu jasangarriak finkatzea.
Prozesu horretan guztian ezinbestekoa da Mendialdean bizi eta lan egiten dutenen parte-hartzea; izan ere, haien esku dago beren bizi-kalitatea hobetzeko, enpresa-sarea indartzeko eta gure eskualdeetako zerbitzu publikoak finkatzeko proiektuak eta jarduera-ildoak planifikatzea.
Lehenik eta behin, Nafarroako Mendialdeko gizarteari eta ekonomiari buruzko diagnostikoa egin dugu, sei AMIA analisitan laburbildua: Nekazaritzako elikagaien sektorea | turismoa, merkataritza eta zerbitzuak | natura-ondarea eta naturaguneen kudeaketa, basogintza eta energia | enplegua, ekintzailetza, enpresak sendotzea, eskulangintza eta industria | ondarea, kultura eta euskara | bizi-kalitatea (azpiegiturak, berdintasuna, oinarrizko zerbitzuak).
Bigarrenik, gure ondorioak eragile nagusiekin kontrastatuko ditugu, Lurralde Mahaien eta Mahai Sektorialen bidez; horietan, adituak diren eta Nafarroako Mendialde osoko gaiei buruzko berariazko ezagutza duten pertsonek parte hartuko dute. Horrek datozen urteetarako gure Lurralde Estrategiaren ardatz estrategikoak eta jarduera-ildoak identifikatzen lagunduko digu.
Dokumentazioa (eguneratzea: 2023ko urtarrila)
- Ekintza Planaren laburpena
- Laburpen exekutiboa: Nafarroako Mendialdeko Toki Garapen Parte-hartzailearen Estrategia, 2023-2027.
2023-2027 aldirako Tokiko Garapen Estrategia lantzeko herritarren parte-hartzea.
Datuak
4 lurralde-mahai
6 sektore-mahai
142 parte-hartzaile: 69 gizon 73 emakume
284 ekarpen Cederna Garalur Elkarteak idatzitako hasierako AMIA diagnostikoari.
330 ekintza-proposamen.