Nafarroako Mendialdeak aberastasun ekologiko eta paisajistiko handiko makina bat gune ditu. Gune horien garrantziak eta turismorako eskaintzen dituzten aukerek bultzatu dute Cederna Garalur Elkartea ‘Reto-Natura 2000’ proiektuaren aldeko apustua egitera, natura behatzeko turismoa garatzeko oinarrizko lurralde-planen inguruan proposamenak sortzea helburu hartuta.
‘Reto-Natura 2000’ proiektuak lanean dihardu natura behatzeko turismo guneen sarea sortze aldera. Proiektuak Ingurumen, Landa eta Itsas Ingurune Ministerioaren lankidetza-ildoaren finantziazioa du. Proiektuan 11 autonomia-erkidegotako 30 taldek hartzen dute parte, eta 378.000 euroko aurrekontua du. Proiektua 2012. urtera arte luzatuko da.
Jarduerak
- Natura 2000 sarearen egoerari buruzko diagnostiko bateratua egin da. Diagnostikoak proiektuan parte hartzen duten lurraldeei buruzko datuak jasotzen ditu, eta aurrera begirako proposamenetarako oinarria da.
- Tresna metodologikoa lantzea, natura behatzeko turismoa garatzeko planak osatuko dituzten proposamenak bideratzeko.
- Sustapen- eta zabalpen-ekintzak.
- Web orria sortzea: www.retoeurope.com
Sartu ‘Reto-Natura 2000’ proiektuari buruzko berrietara: