Elkarteak «Nafarroako Mendialdea» xedeko kalitate-planaren barnean kalitateko xedea lortze aldera burutzen duen lanaren barruan, datozen egunotan Cederna Garalur Elkarteak sentsibilizazio-jardunaldiak antolatu ditu ostalariei zuzenduta, ‘kalitatearen Q’ izenaz ezagun den kalitate-sistemaren berri emateko.

‘Kalitatearen Q’ Espainiako Turismo Kalitaterako Institutuak ematen duen aitorpena da, turismo-arloko enpresentzat bereziki sortutako kalitate-sistema ezartzea lortzen duten establezimenduei emana. Cederna Garalur Elkarteak hainbat urte daramatza lanean Espainiako Turismo Kalitaterako Institutuak Nafarroan duen lurralde-ordezkaritza gisa.

‘Nafarroako Mendialdea’ xedean emaitzak oso interesgarriak eta erakargarriak suertatzen ari dira.

Gaur egun, Nafarroan 76 establezimenduk dute ziurtagiria (horien artean 19 Eroski katekoak eta 2 McDonalsekoak); 76 horietatik, 23 Nafarroako Mendialdean daude. Bestalde, 10 establezimendu lanean ari dira kalitatearen Q ziurtagiria lortzen, eta horietatik 6 Nafarroako Mendialdekoak dira.

Turismo-ostatuetako jabeei eta kudeatzaileei zuzendutako jardunaldiak honako hauek izanen dira:

• Urriaren 20an, goizeko 10:00etan, Cederna Garalur Elkarteak Arbizun duen egoitzan.
• Urriaren 21ean, goizeko 10:00etan, Zangozako udaletxean.
• Azaroaren 23an, goizeko 11:00etan, Izabako Oroimenaren Etxean.

Jardunaldiei buruzko informazio gehiago izateko, Cederna Garalur Elkartearekin para zaitezke harremanetan gure web orriko ‘kontaktua’ atalaren bidez.