Cederna Garalur Elkarteak «Zein harro nagoen nire produktuaz!« izeneko tailerra antolatu du heldu den martxoaren 25erako, Donezteben. Nekazaritzako elikagaien sektoreko ekoizleei bideratuta, xedea du bezeroen artean nekazaritzako elikagaiak merkatuan berezi bihurtzen dituzten eta balio erantsi berezia ematen dieten alderdiak identifikatzen eta promozionatzen ikastea, produktua ekoizten duena eta merkaturatzen duena ezagututa. Tailerra Doneztebeko Juansenean emanen da.

Tailerra nekazaritzako elikagaien sektorera bideratutako prestakuntza-zikloaren barnean txertatzen da, Interreg IVB SUDOE programaren bidez Europako funtsekin finantzatutako «ITERA-AA» proiektuaren bitartez.

Argibide gehiagotarako:

• Kontxi Sansiñena. Telefonoa: 626 541 933. Posta elektronikoa: proyectos@cederna.es
• Jaitsi: Programa