Nasuvinsa langile bila dabil Nafarroako lurralde osoan banatuta egonen diren Eraldaketa Komunitarioko Bulegoetarako (EKB): Iruñerria, Sakana, Estellerria, Erribera, Mendialdea eta Nafarroako Erdialdea.
Gune horietatik autokontsumo partekatua eta energia-komunitateak sortzea bultzatu nahi da, bai landa-eremuan, bai hiri-eremuan, pertsonei gizarte jasangarriago, solidarioago eta bidezkoago baterantz laguntzeko.
Horrela, lurralde bakoitzean, EKBen eginkizuna izanen da autokontsumoko proiektuak eta energia-komunitateak sustatzen dituztenei laguntza eta aholkuak ematea, ibili beharreko bide hori errazagoa izan dadin eta horiek eratzen eta inplementatzen jarrai dezaten.
Nasuvinsak hainbat lan-eskaintza jarri ditu abian, EKBetako lanpostuak betetze aldera. Zehazki, honako hauen bila dabil:
- Ingeniaritzako, Arkitekturako, Ingurumen Zientzietako edo antzeko unibertsitate-prestakuntzako profil profesionala duten pertsonak.
- Energiaren arloan 2 urteko esperientzia izatea baloratuko da: energia-komunitateak, autokontsumoa, merkatu elektrikoa, energia-efizientzia, energia berriztagarriak.
- Herritarrei arreta ematea baloragarria: hartu-emana herritarrekin eta/edo toki-erakundeekin.
- Lurralde-animazioaren eta -dinamizazioaren eta/edo parte-hartze publikoaren arloan prestakuntza teknikoa edo graduondokoa izatea baloratuko da.
Trukean honako hau eskaintzen du:
- Lanaldi osoa.
- Aldi baterako lan-kontratua, kontratu mugagabe bihurtzeko aukerarekin.
- Lana toki-erakundeei, herritarrei eta enpresa txikiei eta ertainei laguntzea izanen da, horien energia-subiranotasuna indartzeko.
Landa-ingurunean lan egitea interesatzen bazaizu, ekonomia-, gizarte- eta ingurumen-garapenean lagunduz, prozesuan parte hartzera gonbidatzen zaitugu.
Argibide gehiago: www.vikena.es