Tokiko dinamizazioa eta toki-garapeneko agentziak
Nafarroako Mendialdean, Nafarroako Mendialdetik eta Nafarroako Mendialdearekin lan egiten dugu Nafarroako Mendialdearentzat, gure toki-garapeneko agentzien bitartez.
Ez da erraza Nafarroako Mendialdea bezalako «lurraldeen lurralde baten» toki-garapena kudeatzea. Ondo baino hobeto ezagutu behar dira eskualde bakoitzaren gizarte- eta ekonomia-egoerak, ahuleziak, indarrak eta aukerak, eta epe ertain eta luzerako toki-garapeneko estrategia partikularrak proposatzen jakin behar da, ikuspegi integratzaile batekin, eta erakunde publikoekin, enpresekin eta herritarrekin elkarlan estuan; azken finean, horiek erabakitzen dituzte gure jarduerak, eta gure ahaleginak norantz bideratuko ditugun.
Hori lortuko badugu, ezinbestekoa da eskualdeekin zuzeneko harreman estua edukitzea. Cederna Garalur Elkarteak presentzia handia du eskualdeetan: zortzi toki-garapeneko agentzia ditu, bakoitza «tokiko enplegu- eta garapen-eragile» batek kudeatua; toki-dinamizazioan adituak diren zortzi pertsonaz osaturiko taldea.
Tokiko enplegu- eta garapen-eragileen bitartez, Cederna Garalur Elkarteak gure erkidegoen toki-garapena dinamizatzen du, lurralde bakoitza analizatzen du eta ekonomia- eta gizarte-aukerak identifikatzen ditu. Gure elkarteko langile teknikoen bitartez, finantza-baliabideak lortzen ditu, proiektu berriak sortzen ditu, esperientziak trukatzen ditu, eta azken finean, gure lurraldeak dituen erronkentzat irtenbideak eskaintzen ditu, baliabideak optimizatuz.
Azken batean, gizarte-dinamizazioak lau esparru hartzen ditu barne:
Lurraldearen analisia
- AMIA analisiak lurraldeka: Ahuleziak, Mehatxuak, Indarrak, Aukerak (erronkak).
- Ekonomia-, natura- eta kultura-baliabideak identifikatu.
- Tokian tokiko erakunde publikoekiko lankidetza: udalak, kontzejuak, mankomunitateak eta ibarretako batzarrak.
- Enpresa eta enpresaburuen elkarteekiko eta elkarte sektorialekiko lankidetza.
Enplegua sustatu
- Arreta ekintzaileei: ekintzailetzarako orientazioa, harrera egin, negozio-ideiak orraztu.
- Enpresak finkatzen lagundu.
- Legeei, zergei, administrazioari, laguntzei eta NEZaren zerbitzuei buruzko informazioa.
- Enpresa-plana eta bideragarritasun-azterketak.
- Izapidetzea.
- Enpresa-hobiak.
Lurralde-berrikuntza: Finantziazio zioa lortu eta proiektuak koordinatu
- Proiektu-ideiak identifikatu.
- Eskualde-mailako lankidetza-proiektuak definitu.
- Eskualde, nazio edo Europako laguntza-programei eta -deialdiei buruzko informazioa eta horien jarraipena.
- Proiektua martxan jartzeko aholkularitza teknikoa.
- Proiektuak prestatu eta aurkeztu.
- Proiektuak koordinatu, kudeatu eta horietan parte hartu.
Tokiko animazioa eta dinamizazioa
- Eskualde, erregio eta mugaz gaindiko garapen-foroak koordinatu, horietan parte hartu eta horiek dinamizatu.
- Tokiko partaidetza sustatu tokian tokiko eztabaida-foroetan eta animazio kulturaleko eta sozialeko ekintzetan.
- Tokiko erakunde publikoekin lankidetza lurraldeko natura- eta kultura-ondarearen defentsan eta horiei balioa ematen.
- Lankidetza Nafarroako Gobernuarekin Nafarroako Mendialdeari eragiten dioten lurralde-politikak zabaltzen, horietan bitartekaritza egiten eta dinamizatzen.
- Toki-erakundeei babesa eman haien lurraldeen kudeaketan, defentsan eta jasangarritasunean, eskualde-mailako foroetan duten ordezkaritzaren bitartez: Agenda 21, lurraldea antolatzeko planak, kultura dinamizatzeko planak.
- LGPrako proiektuen kudeaketan eta tramitazioan lagundu.
- Prestakuntza-ekintzak martxan jarri, tokiko biztanleriari bideratuta.